صعبان عليا اللى ماتو ** واللى عايشين فى الممات
صعبان عليا الصحاب** متقوقعين فى اللى فات
صعبان عليا الوطن ** واللى مضى كان مر
لسة يا اهل الفتن ** شاغلينا كر وفر
لسة ياكلمة وطن **ممعلماش على الناس
كلمة بحبك يا وطن** ناقصة كتير احساس
مين اللى قال ان الوطن ** كلمة وهتاف وزعيق
مين اللى قال ان الوطن **خطة بدون تحقيق
انا رايى اصلا فى الوطن** انة قلوب بتحب
واللى محبش فى الوطن** منسمهوش بمحب
يا وطن حب اللى منك **حبهم خليك حنون
كل اللى منك يا وطن** بيحبوا فيك حب الجنون
ياريتنى كنت من الزمن** اللى ملان فرسان *
فوق الحصان وقت المحن **ميت معاششى جبان
دلوقتى سيفى القلم** وكتابى ناقص ورق *
والناس علشان جهلهم ** بيقسموها فرق
مصر كانت ميتة ** والشعب كان مليان تراب
مصر صحيت من الممات * والشعب ثار ضد السكات
النور رمى** فى السكة حبة خير
والضلمة اهية** زايلة مع التغيير
نفض ترابك ياوطن** خليك قوى
اشرب من اللى عليك وشربهم
واملا جوفك وارتوى
الكل راكب فرس ** وانا اللى راكب حمار
وماشى من غير حرس ** وانا اللى حامى الديار
سكة ابتدت ** وعرفنا نمشى اذاى
وتاريخ مضى ** والشعب مش نساى
الحلم اهة ** مبقاش خيال وسراب
اعداء اهم ** اتبدلو لاحباب
الناس اهية ** واقفة على الفاصل
مستنيين الخير ** والخير اكيد حاصل
جمال الدوينى
Aucun commentaire:
Enregistrer un commentaire